Minisiteri y’Ubuzima muri Sénégal yatangaje ko ibitaro byo mu Murwa Mukuru, Dakar ubushobozi bwabyo bwo kwakira abarwayi ba Covid-19 bwarenze kubera ubwiyongere bw’abandura.
Ubwandu bwa Covid-19 muri icyo gihugu bumaze iminsi bwiyongera aho nibura ku munsi ubu handura abantu 1700.
Abayobozi mu nzego z’ubuzima batangaje ko nibura 99 % by’ibitanda byari bigenewe abarwayi ba Covid-19 mu bitaro byo mu murwa mukuru byashize.
Laboratwari nazo ubushobozi bwazo bwo gupima abarwayi bashya buri kugenda bugabanyuka.
BBC yatangaje ko bishobora kuza kuba ngombwa ko Perezida Macky Sall afata izindi ngamba zikomeye mu guhangana n’ubwiyongere bukabije.
Source:BBC
